A Love Ye Mair

by Frank Maguire
(England)

For awe av been
For awe a am
An for awe thit a may be
A’ll never love anither lass
The way thit a love ye

A remember weel
Yon day we met
As yer haun in mine it lay
An when ye smiled thit bonnie smile
Ye stole ma hert away

A lost masel
Tae awe yer charms
Wae a fervour yet unseen
Tae yer bonnie hair yer fragrance an
The look in yer blue eeyn

How young an free
Ye made me feel
As a fell in love sae deep
Sic feelings never known before
Tae cherish an tae keep

A never knew
Thit love could be
Sae precious an divine
How blessed a feel tae ken the love
Ye hungered fur wiz mine

An even though
Its been some years
Since ye turned an walked away
Ma hert, it still belongs tae ye
An a love ye mair each day