COWANS HIGHLAND TOFFEE(the ain wi the coo)
by Bruce Clark Dick
(Forfar Scotland)
Cowans highland toffee oor ither national treasure, like irn bru an fried mars bars,
it gies fowk lots o pleisur.
Nane o thon jessie jelly beans, miget gems or cherry lips,
Gie us something that clamps yer teeth the gither, an adds inches tae yer hips.
Nae curlywurlys or sherbet dabs, or cissy sweeties please,
Gie me something that dislocates ma jaw,
An draws fillings, like shelling peas.
Nae sweet bon bons , or milky ways, nae slabs o turkish delight
Gie me something that tones up jaw muscles
Makes a death grip o yer bite
Gie me something tae keep in mae pocket
Something tae pick aff the fluff.
Gie me a Cowans highland toffee bar
Confectioneries heavy stuff.
Bruce Clark Dick.
