The Barnyards O' Delgaty

by Traditional

As I cam in by Turra mairket
Turra mairket for tae fee
I fell in with a wealthy fairmer
On the barnyards o' Delgaty

Chorus:
Lintin addie toorin addie
Lintin addie toorin ae
Lintin lowrin lowrin lowrin
The barnyards O' Delgaty

He promised me the ae best pair
That was in the kintra roon
But fan I gaed hame tae the barnyards
There was naethin there but skin and bone

Chorus

The auld black horse sat on his rump
The auld black mare lay on her wime
For a' that I could 'Hup' and crack
They wouldna rise at yokin' time

Chorus

*It's lang Jean Scott she maks my bed
Ye can see the marks upon my shins
For she's the coorse ill trickit jaud
That fills my bed with prickly whins

Chorus

*Meg McPherson maks my brose
An' her an' me we canna gree
First a mote and syne a knot
And I the ither jilp o' bree

Chorus

Fang I gae tae the kirk on Sunday
Mony's the bonnie lass I see
Sittin by her faither's side
An' winkin' oer the pews at me

Chorus

Oh I can drink and no get drunk
And I can fecht and no be slain
And I can meet with another lad's lass
And I be welcome tae my ain

Chorus

My caunle noo it is brunt oot
Its lowe is fairly on the wane
Say fare ye well tae the barnyards
Ye'll niver catch me here again!

Chorus

* = These verses are optional

Click here to post comments

Join in and write your own page! It's easy to do. How? Simply click here to return to Poetry Invitation.