by Frank Maguire
(England)
Tam & Wullie
Twa laddys went a walkin
Oan the road tae Ayrshire toon
Wan oh them wiz Tam Forsyth
An the ither, Wullie Broon
Wae aftershave an best claiths oan
Wae a smile an swagger tae
They heeded intae Ayrshire toon
Wan sunny morn in May
They wur lookin fir a wife or twa
An tae marry in the spring
At the kirk doon by the waterfall
As the choir they wid sing
They set aboot tae find their brides
Sae fast withoot delay
As they searched sae hard in Ayrshire toon
Wan sunny morn in May
They set off tae the library
But nae lassies did they see
The next stop wiz the local gym
But it wiz shut fir tea
They reckoned fur tae try the pub
Thit stood high upon the brae
An there they sat in Ayrshire toon
Wan sunny morn in May
They hud ten pints oh heavy
Wae some nips tae chase them quick
Tam wiz really blootered
An pare Wullie, he wiz sick
The landlord banned the pare oh them
As oan the grun they lay
Crawlin oot oh Ayrshire toon
Wan sunny morn in May
They gote back hame at midnight
Baith wur skint an oot their mind
Reflectin oan their escapade
Oh nae lassies did they find
But they made a pact that very nicht
Tae try again nixt day
An walk the streets oh Ayrshire toon
Wan suuny morn in May
Comments for Wan Sunny Morn In May
|
||
|
||
|
||