This Poem, 'The Boy in the Train' was written by Mary Campbell Smith, and gives a delightful description of a young lad arriving at Kirkcaldy (the town where Prime Minister Gordon Brown was raised and currently represents in Parliament.)
Other poems/songs about Kirkcaldy include The Carls O Dysart written by Rabbie Burns on a journey through Fife (Dysart is right next door to Kirkcaldy), and
The Collier Laddie which is believed to one of Fife's oldest songs.
By the way, if YOU know a Scottish Poem that you would like to be included on this site, or indeed if you have written one, why not submit your contribution HERE, so people from around the world can enjoy it.
The Boy in the Train
Whit wey does the engine say Toot-toot?
Is it feart to gang in the tunnel?
Whit wey is the furnace no pit oot
When the rain gangs doon the funnel?
What'll I hae formy tea the nicht?
A herrin', or maybe a haddie?
Has Granma gotten electric licht?
Is the next stop Kirkcaddy?
There's a hoodie-craw on yon turnip raw!
An's sean-gulls - sax or seeven.
I'll no fa' oot o' the windae, Maw
It's sneckit, as sure as I'm leevin'
We're in the tunnel! We're a' in the dark!
But dinna be frichtit, Daddy,
We'll sune be coming to Beveridge Park,
And the next stop's Kirkcaddy!
Is yon the mune I see in the sky?
It's awfu' wee and' curly
See! There's a coo and a cauf ootbye,
An a lassie pu'in' a hurly!
He's chackit the tickets and gien them back,
Sae gie me my ain yin, Daddy.
Lift doon the bag frae the luggage rack,
For the next stop's Kircaddy!
There's a gey wheen boats at the harmour mou',
And eh! dae ye see the cruisers?
The cinnamon drop I was sooin' the noo
Has tummelt an' stuck tae ma troosers.
Ill sune be ringin' ma Gran'ma's bell
She'll cry, "Come ben, my laddie."
For I ken mysel' by the queer-like smell
That the next stop's Kircaddy!