A' Suddent

by Alex Brunel

Yon breist was braw,
a daffsum sperit,
a' the daes rinnin' tumbly,
yer wirds a-rummie
a' the years passin' kind
a' yer faice, nae lines,
yon cheeks, sae wally
thine een, sae merry,
a' blae, lyk berrys
In truth, sae liberal,
scoffin' like a gannet
yer faither agin it
aye lyk a bairn
her treisur tae cairn.

A suddent
A boodle,
ane lanesome doolie
a missly ghaist
aye skirling an? sneetrin?
gruesome an greetin?,
wastit an paulie
a' shilpit an yowl
w' a skelf in its gowl.
Bletherin' blaflum
aye a' caur
thir nourice sae feart
Yer doctors the waur,
rin-ower they be,
w' carin' for ye.

Ma bonnie companion,
owr herts ane settal,
some ghoulie hae pairtit
yer mense frae yer mettle;
an oorie dae
noo wends oor wae.
Mauchtless an dour
We bide thine hour.

Join in and write your own page! It's easy to do. How? Simply click here to return to Poetry Invitation.