by Frank Maguire
(England)
A wish ye hope an fortitude
Wae peace o mind abound
Tae live yer life lost in a love
A wish ye fertile ground
A wish ye health an happiness
Tae the full, richt frae the stert
Tae help ye fin yer way in life
A wish this frae my hert
A wish ye strength tae see things through
When yer life gets fraught wae pain
If yer days become a thunderstorm
A wish ye gentle rain
A wish ye happy memories
Tae cherish wance thur made
For ye tae reminisce sometimes
A wish they never fade
A wish ye awe thit’s in yer dreams
As ye fly upon the wing
But maist of awe ma sweetest love
A wish ye everything