The Tattie-Bogles.

by Bruce Clark Dick
(Forfar Scotland)

The Tattie-Bogles

When tattie-bogles wings they sproot,
and fae the fields, they a flee richt oot.
Tae terrorise, the local sheep,
wi heids o grinning muckle neeps.

They circle aboot, up Smiddy wid,
We ken, the bogles, will dae nae guid.
They unlock the latch on the fairmers gate,
and mak the coos, fir mulkin late.

It’s choir practice, in the village ha,
The practice is open, tae ane an aw.
The bogles think they will try thir hand,
and at the back the bogles stand.

If you’ve never heard, a tattie-bogle sing,
My god man! It’s a terrible thing.
They wail,an shriek, at the tap o thir voice,
the pair choir maister, he hud nae choice.

Wi the help o the verger, an a farmir’s big boot,
they collared the tattie-bogles, an threw them a oot.
They protested, complained, they didnae get a chance,
perhaps, they could sing at the next village dance.

Comments for The Tattie-Bogles.

Average Rating starstarstarstarstar

Click here to add your own comments

Jul 08, 2008
Another gem!
by: May

Hi Bruce

I love this poem too - and I love your sense of humour. It's great you're using the guid Scots tongue!

Thanks for sharing it.


Click here to add your own comments

Join in and write your own page! It's easy to do. How? Simply click here to return to Poetry Invitation.